Fuck off

Á hraðri leið til helvítis

2006-07-14T07:25:00.000Z

Jæja... það er kannski kominn tími til að kasta nokkrum orðum hér inn eftir þetta heilsusamlega og indæla frí.

Ýmislegt hefur á daga manns drifið síðan ég reit hér síðast, eins og ráð er fyrir gerandi þegar svo langt er á milli færsla. Ég hef meðal annars teppalagt íþróttasal, smíðað gróðurhús, smíðað hurð í annað gróðurhús og rifið sandpoka og jarðvegsdúk ofan af forleifauppgreftri auk þess að stunda mína hefðbundu vinnu hjá Vegagerðinni og sinna öllu því sem upp getur komið við líf og störf í lýðræðisþjóðfélagi í sífelldri þróun.

Annars er allt í upplausn í Gerðinni... Bjarni mælingamaður vikinn fyrir meira en lítið vafasamri hagræðingarstefnu, Seli stokkinn á brott til að keyra mjólkurbíl og landsliðast (í sundur) og Per búinn að mæta gríðarlega stopult, enda í skóla yfir sumartímann eins og hvert annað erkifífl. Ofan á allt þetta er svo Stebbi orðinn að fræðingi! Hvar enda þessi ósköp?! En ef að þú lesandi góður ert ekki kunnugur málum í Vegagerðinni hefur þessi klausa væntanlega ekki sagt þér mikið... en það er þitt vandamál.

Benni er enn á lífi, en er kominn með einhvers konar ávexti hér og þar, meðal annars við anusopið, og er með meira hárlos en bringan á Kussa.

Ég varð fyrir því óhappi nýverið að keyra á sandlóuunga. Þetta hefur valdið mér töluverðum óþægindum andlega og jafnvel svefnmissi. Að lokum gat ég ekki lifað við þetta lengur og fótbraut hestamann til að dreifa huganum... hef sofið eins og ungabarn síðan.

Í Fréttablaðinu í gær var fyrirsögn sem olli mér áhyggjum; Félagið Ísland-Palestína mótmælir framferði Ísraelshers á Austuvelli: Þjóðarhreinsun í uppsiglingu. Nú hljóta Íslendingar að fara að sættast á málstað Palestínumanna, þegar Ísraelsher er farinn að láta til sín taka á Austurvelli. Annars er ekki grín gerandi að þessu helvítis ástandi þarna niðurfrá. Það ætla ég að vona að þeir sem stóðu fyrir stofnun Ísraels 1948 kunni að skammast sín í dag... hálfvitar.

Ójá, og fyrir ykkur sem að lifið í þeirri blekkingu að andstaða við samkynhneigð innan kristinnar kirkju sé einhver síðari tíma uppspuni og ekki í reynd kominn úr Biblíunni langar mig að skjóta inn þessu versi úr Þriðju Mósebók:

Og leggist maður með karlmanni sem kona væri, þá fremja þeir báðir viðurstyggð. Þeir skulu líflátnir verða, blóðsök hvílir á þeim.

(3M:20:13)

Þarna sjáið þið nú alla fallegu siðfræðina sem kristin trú er víst svo mikilvæg til að kenna börnunum. Hún er alla vega vel til þess fallin að kenna þeim að vera ekki með neina stæla við foreldra sína...

Ef maður á þrjóskan son og ódælan, sem eigi vill hlýða föður sínum og móður, og hann hlýðnast þeim ekki að heldur, þótt þau hirti hann, þá skal faðir hans og móðir taka hann til öldunga borgar hans, að borgarhliðinu þar sem hann á heima, og segja við öldunga borgar hans: "Þessi sonur okkar er þrjóskur og ódæll og vill ekki hlýða okkur, hann er svallari og drykkjurútur." Skulu þá allir borgarmenn lemja hann grjóti til bana. Þannig skalt þú útrýma hinu illa burt frá þér, og allur Ísrael skal heyra það og skelfast.

(5M:21:18-21)

Ó, ef öll trúarbrögð hefðu að geyma slíka umburðarlyndi og fallegan boðskap. Má ég þá heldur biðja um að vera trúleysingi með siðferðisvitund óháða uppspunnum, yfirskilvitlegum verum, hverra ímynduð tilvist er grunnur að hvers kyns fordómum. Ég held að það sé við hæfi að enda þessa færslu á tilvitnun í mjög svo skarpgreindann mann:

Því meira sem fólk ánetjast trúarbrögðum, því meiru glatar það af sjálfu sér.

Karl Marx

Dixi

Orsök fyrri heimstyrjaldarinnar

2006-05-10T21:56:00.001Z

Edmund:	"You see Baldrick, in order to prevent war in Europe, two superblocks developed. Us, the French and the Russians on one side, and the Germans and Austrio-Hungary on the other. The idea was to have two vast, opposing armies, each acting as the other's deterrent. That way, there could never be a war."
Baldrick:	"But, this is a sort of a war isn't it, sir?"
Edmund:	"Yes, that's right. You see, there was a tiny flaw in the plan."
George:	"What was that sir?"
Edmund:	"It was bollocks."

Dixi

EOS

2006-05-04T18:57:00.000Z

Festi kaup á nýrri myndavél á dögunum. Eða þ.e.a.s. hún er ný í minni eigu, ég keypti hana forbrúkaða af Friðriki Ómarssyni flugkapteini og fógeta fyrir þrjár ekrur óræktaðs lands, tvær ambáttir og smalahund. Í fullri hreinskilni sé ég dálítið eftir Lappa, en myndavélin er mjög góð og það er mikil sáluhjálp í því. Hérna að neðan eru nokkrar myndir sem ég tók með nýju vélinni þó þetta séu nú engin meistaraverk, enda teknar á milli tarna í próflestri. Síðasta myndin (hengilásinn) er sú eina sem ég er búinn að vinna.


Sigurbjörg	Fógetinn

Ég og EOS-inn minn	Flugmaskína

Glas og kertastjaki	Hert stál í hengilás

Læt þetta duga núna, en á næstu dögum (jafnvel á eftir) verða tekin fyrir tvö málefni; gamalt og nýtt og CSI.

Dixi

Mun acetonið bjarga heiminum?

2006-04-25T01:26:00.000Z

Acetone er til ýmissra hluta nytsamlegt. Núna er pentagram á borðdúknum mínum sem ekki var þar þegar hann var keyptur. Byrjaði reyndar fyrir slysni... tengist mikillri notkun á UHU lími undanfarna daga.

Auk þessa var nýlega fundið upp svakallað acetonenudd, sem að hefur svipaða verkun og DNA-heilun nema að það er ekki einungis erfðaefni manneskjunnar sjálfrar sem er endurraðað heldur einnig erfðaefni hvatberanna.

Það er til marks um virkni acetonsins við að losa fólk við neikvæðar árugeislanir, að þegar því er hellt á húðina og lærður acetonenuddari blæs á það með innrætisefldum náttúruandardrætti sínum getur nuddþeginn fundið hvernig húðin kólnar. Þessi kólnun kemur til vegna þess að vissar húðfrumur, svokallaðir litdeyfandi svartárugjafar, eru að umbreytast í "fegurðarfrumur" sem auka fólki sjálfstraust og styrkja myndun jákvæðrar sjálfsmyndar.

Ofan á allt þetta geta vissar litríkar orkur í acetoninu átt uppbyggilegar samræður við stofnfrumur og þá sérstaklega þessa stóru merkilegu sem kölluð er StofnfrumaN. Eins og allir sæmilega lesnir kvartbítnikkar vita er hún staðsett í sælufrymi innst í sálinni, sem alkunna er að er varin fyrir hnjaski með vökvafylltum belg, ekki ósvipuðum líknarbelg.

Þess skal þó getið að til þess að acetonenudd beri raunverulegan árangur er lykilatriði að manneskjan sem verið er að nudda hafi borðað réttan mat miðað við sinn blóðflokk í að minnsta kosti 2 mánuði fyrir nuddið. Enn fremur ber að varast tilbúinn áburð, því ef nuddþeginn hefur komið nálægt slíku einhvern tímann um ævina eru miklar líkur á að acetonenuddið muni valda þurrk í húð hans.

Áður en punktur er settur á eftir þessari umfjöllun um acetonenudd er náttúrulega rétt að geta ótrúlegrar virkni þess við að hjálpa fólki sem vill losna við aukakílóin. Rannsóknir hafa sýnt fram á að með því einu að fara í acetonenudd vikulega, borða holla og fjölbreytta fæðu í hófi og stunda heilbrigða hreyfingu getur fólk minnkað fituvef og styrkt vöðva. Það er því dagljóst að acetonenuddið er komið til að vera og á eftir að aðstoða margar heilbrigðar sálir við að koma upp hraustum líkama áður en yfir lýkur.

Dixi

Hendni skósmiða

2006-03-24T02:09:00.000Z

Þrátt fyrir að hafa ekki hugsað heila hugsun síðan einhvern tímann seint á síðustu öld hef ég komist að eftirfarandi niðurstöðum um örvhenta skósmiði:

Örvhentir skósmiðir eru...

...menn sem búa til skó og ferst betur að brúka vinstri hendina en þá hægri.
...að minnsta kosti jafn fatlaðir og annað örvhent fólk.
...sjálfum sér og fjölskyldum sínum til skammar.
...upp til hópa illa lyktandi og ófríðir með eindæmum.
...hlutfallslega sjaldgæfari innan skósmiðastéttarinnar heldur en hvítar rollur innan íslenska fjárheimsins.
...ógeð.

Ef þú, sem þetta lest, ert örvhentur skósmiður, bið ég þig vinsamlegast að skammast þín.

Dixi

Surprise surprise

2006-03-01T09:48:00.000Z

Get nú ekki sagt að þetta hafi komið mér sérlega á óvart:

You fit in with:
Atheism

Your ideals mostly resemble those of an Atheist. You have very little faith and you are very focused on intellectual endeavors. You value objective proof over intuition or subjective thoughts. You enjoy talking about ideas and tend to have a lot of in depth conversations with people.

80% scientific.
80% reason-oriented.

Take this quiz at QuizGalaxy.com

Dixi

Þar til "á morgun"

2006-02-28T02:41:00.000Z

Horfið á myndirnar Voces inocentes (e. Innocent voices) og The Constant Gardener. Meira á eftir...

Dixi

Fegurð Femin

2006-02-09T01:38:00.000Z

Nýlega tók ég mig til og lagaði vel til heima hjá mér, henti 63 kg af dagblöðum og ruslpósti, þvoði 1500 þvottavélar og þvoði upp ca. 300 diska, skálar og aðra eldhúsmuni. Eitt af því sem undantekningalítið fylgir slíkri tiltekt, er að maður finnur einhverja gleymda dýrgripi. Það brást ekki að þessu sinni.

Þegar ég var að fara í gegnum blaðabunkann fann ég nefnilega eintak af tímaritinu Femin frá því í ágúst 2004. Þetta blað hef ég geymt sökum þess að það hefur að geyma einhver skemmtilegustu skrif sem ég hef séð á prenti. Í blaðinu er hluti sem ber titilinn Kynlíf unglinga, brjóst, meydómur, blæðingar og svefnvenjur ungbarna. Í þessum hluta eru bréf frá lesendum þar sem þeir óska eftir lausnum á vandræðum sínum. Hér að neðan fylgja þrjú slík bréf sem eru í sérstöku uppáhaldi hjá mér.

Bréf 1: Ringluð

Hæ, hæ.
Nr. 1 Ég er 13 ára og var í fyrsta sinn að byrja á blæðingum og fór ekki í skólann því það voru engin dömubindi né neitt til og úti var fyrsta sólin í langan tíma og allir vinir mínir eru að fara í sund og skemmta sér en ég get það ekki og besta vinkona mín sagði að ég gæti sjálfri mér um kennt fyri að fara ekki í skólann! Er hún góður vinur?

Nr. 2 Ég fékk alveg svona þunglyndiskast og vildi deyja og skar mig á púls! Er það frekja

Nr. 3 Ég er 160 og 47-49 kíló, er ég of feit?

Bréf 2: Brjóst

Hæ, hæ. Mig langar að athuga, sko ég er 16 ára og mig langar svo að fara í sílikon, veistu hvort ég geti farið svona ung ef mamma myndi gefa leyfi eða þarf maður að vera orðinn 18 ára? Og veistu hvað þetta kostar?

Bréf 3: Ég er svo hrifin af honum að mér líður illa

Kæri ráðgjafi. Ég er 14 ára og er nýbyrjuð með strák sem er 15 ára. Við höfum þekkst í ár og verið hrifin af hvort öðru lengi. Hann er frábær í öllu, rómantískur og svo mikið æði að ég gæti dáið en málið er að við höfum verið saman í viku og hann er eiginlega alveg hættur að hringja í mig og tala við mig í skólanum en samt talar hann við mig og þannig þegar það er honum til góðs. Aðalmálið er það að hann virðist vera hrifinn af bestu vinkonu minni og hún af honum, þau eru alltaf að reyna við hvort annað beint fyrir framan nefið á mér og ég veit ekki hvort hann gerir þetta, en samt er ég svo hrifin af honum að mér líður illa. Ég get ekki hugsað mér að hætta með honum. Hvað á ég að gera?

Fleira var það ekki að sinni, en ég lofa að það verður ekki langt í næstu færslu.

Dixi

Nokkur orð um Peter Gerritsen

2006-01-13T07:31:00.000Z

Í dag eru 17 ár liðin frá því að sænsk-hollenski fjöllistamaðurinn Peter Gerritsen sendi frá sér, undir dulnefninu Hoarhound Stemwinder, uppskrift að köku sem hann kallaði The Pettifoggers Peruke, eða hárkollu lagasnápsins. Þrátt fyrir gífurlegar vinsældir þessa bakkelsis á meðal fimmfættra kóalabjarna, sem úrkynjuðust með skyldleikaræktun í bakgarðinum við villu Peters nálægt Melbourne í Ástralíu, var það ekki þetta sem gerði Peter frægan.

Það var árið 882 e. GdM (e. GdM = eftir fæðingu franska tónskáldsins Guillaume de Machaut) sem að grein um Peter, eða Pjotr eins og hann var kallaður þar, birtist í armenska spíritistatímaritinu Shashkaka. Í þessari grein var fjallað um kenningar hans viðvíkjandi því sem hann kallaði hliðlægan innan-maka endurfæðingarrétt fólks sem hefur óafturkallanlega orðið að engu. Þessi kenning gerir í stórum dráttum ráð fyrir því að sálir fólks, sem leysist upp, án viðvörunnar, geti tekið sér bólfestu í líkama maka viðkomandi, sem þá innihaldi tvær sálir. Þrátt fyrir ítrekaðar tilraunir Peters til að sanna mál sitt, tókst honum aldrei að sannfæra ítalska listmálarann Piero della Francesca um réttmæti kenningarinnar (hugsanlegt er að það hafi gert Peter erfiðara um vik, að Francesca lést 490 árum áður en kenningin var sett fram).

Snemma á tíunda áratug síðustu aldar, skv. okkar tímatali, komst Peter að því að hin ítalsk ættaða eiginkona hans, Andoria de Meducci, hafði haldið framhjá honum með eftirlætis smáhestinum hans, Hans. Eftir uppkomu þessara svika, svipti Peter eiginkonu sína öllum rétti til arfs en kaus þess í stað að arfleiða skyndibitastaðakeðjuna Burger King að öllum eigum sínum, sem voru all verulegar, þar eð Peter hafði efnast umtalsvert á braski með handofnar gítartöskur úr baggaböndum.

Aðeins 15 dögum eftir að Peter lét breyta erfðaskránni, hafði Andoria samband við fjölmiðla og sagði að Peter hefði leyst upp og orðið að engu fyrir framan augun á sér, en sál hans hefði, eins og kenning hans sjálfs gerði ráð fyrir, tekið sér bólfestu í líkama hennar. Á þessum forsendum krafðist hún þess að fjármagn Peters félli henni í té, þar eð hún innihéldi hann. Í Georgíufylki í Bandaríkjunum, þar sem þau hjónin voru búsett þegar hér var komið sögu, var ekki lagalegur grundvöllur til að fella mál Andoriu, enda erfðalög fylkisins byggð öðru fremur á forsendum Síðari Kroníkubókar Biblíunnar. Starfsmenn fylkislögreglunnar börðust fyrir því að tekið yrði til athugunar, að í verkfæraskúr hjónanna fannst lík myrts manns sem leit nákvæmlega eins út og Peter og hafði við nánari athugun sams konar DNA og hann. Dómari neitaði að taka þessi sönnunargögn gild, þar sem hvergi er minnst á DNA í Biblíunni og tilvist þess þannig fullkomlega ósönnuð.

Eftir að málaferlunum lauk, flutti Andoria, ásamt smáhestinum Hans, til Santa Rosa de Copán í vestur Hondúras og hefur síðustu árin haldið sig fjarri ysi og þysi nútímans. Árið 2001 gaf sál Peters, með aðstoð líkama Andoriu, út bókina Að vera sál númer tvö í líkama fallegrar, ítalsk ættaðrar konu, sem selst hefur í þrjúhundruð milljónum eintaka og verið þýdd á yfir tvöhundruð milljón tungumál. Bókin hefur enn ekki verið þýdd á íslensku, en fyrir þá sem eru vel að sér í staðbundnum norðlenskum mállýskum, má benda á að fljótversk þýðing bókarinnar fæst í öllum betri fiskbúðum.

Dixi

Vangaveltur um lífið í upphafi nýs árs

2006-01-04T12:56:00.000Z

Það er margt sem drífur á daga manns, misskemmtilegt og miserfitt viðureignar. Manns björtustu tilfinningar geta á augabragði orðið manni að falli, falli sem er hærra eftir því sem tilfinningarnar eru heitari. Fallegt verður ljótt, heitt veður kalt, ljúft verður sárt. Heimurinn er byggður á átökum, stöðugum átökum. Kjörlausn slíkra átaka er að sjálfsögðu meðalvegurinn margfrægi og vandfarni. Í sannleika sagt er hver dagur klyfjaður af díalektískri framþróun frá hinu smæsta til hins stærsta. Ef vel tekst til stendur maður uppi, ríkari af reynslu og einu skrefi framar í þroska.

Oft er eðli manns á villigötum. Upp geta sprottið hvatir til að gera eitt og annað sem ekki er rétt eða fallegt að gera. Raunin er sú að oftar en ekki er auðvelda leiðin jafnframt ranga leiðin; einungis aðferð til að slá hlutunum á frest eða ýta þeim frá sér án raunverulegrar úrvinnslu. Í yfirgnæfandi meirihluta tilfella er það manni sjálfum og öðrum fyrir bestu að velja þá leið sem reynist manni erfiðari meðan á ferðinni stendur. Þá taka hlutirnir fyrr raunverulegan enda og endirinn verður líka farsælli.

Á hverjum degi mæta manni aðstæður þar sem maður þarf að taka ákvörðun um hvort fylgja skuli hvatvísum hugdettum eða grundvalla gerðir sínar á vitrænum ígrundunum. Enn ríður á að feta meðalveginn. Mín einlæg trú er sú, að hamingjan liggi í því að finna jafnvægi milli tilfinninga og vitrænnar hugsunar. Það er ekki svo að skilja að þetta tvennt geti ekki legið samsíða, en það er óþægilega oft sem svo er ekki. Að hafa sterkar og hvatvísar tilfinningar er hluti þess að vera maður, að læra að hafa stjórn á þessum tilfinningum er leiðin til að verða góður maður.

Gamall og vís maður sagði einu sinni við mig: "Lífið er ekki alltaf auðvelt og því verður maður að taka. Það sem er mikilvægt, er að vinna eins vel og manni er unnt úr hverri stöðu; að geta litið til baka og sagt við sjálfan sig: Ég hafði það eins og gott og aðstæður leyfðu." Betri ráðleggingar hef ég aldrei fengið.

Mannskepnan hefur gegnum aldirnar barist við að finna tilveru sinni meiningu; margir frægir hugsuðir hafa velt fyrir sér tilgangi lífsins. Ef til vill er lífið leitin að jafnvægi. Jafnvægi milli tilfinninga og hyggjuvits, sálar og líkama, fortíðar og framtíðar, gamans og alvöru. Margir finna aldrei sitt jafnvægi í lífinu, en það er ekki merki um að líf þeirra hafi ekki haft jafnan tilgang á við alla aðra. Það sem er mikilvægt er að taka þátt í leitinni, því hver einasti dagur er nýtt tækifæri til að gera betur.

Dixi

Fari þetta helvítis ár til andskotans

2005-12-31T18:29:00.000Z

Þá er þetta ár andskotans senn á enda, það er vel. Þess óska ég helst að ég þurfi aldrei að lifa annað ár í líkingu við það. Megi það fuðra upp í björtum blossa og gleymast að eilífu.

Búinn að fá útúr þremur prófum af fjórum, og enn ekkert til að grenja yfir, þrátt fyrir framtaks-, áhuga- og eljuleysi í próftíðinni. Það er eins og einhver sagði einhvern tímann: Þetta reddast!

Búinn að nota jólafríið sæmilega hingað til. Hef verið að lesa yfir nýjasta handritið hans afa, Bernskuminningar, sem hefur gífurlegt skemmtanagildi. Búinn að kynna mömmu töfraheim Eddie Izzard, Black Adder og fleiri kumpána innan bresku skopmafíunnar. Thank you Darling! Göfugt verkefni það.

Fékk margt góðra hluta að gjöf þessi jólin, sumir gjörðir af látúni, aðrir postulíni eða timbri, enn aðrir af margs kyns verksmiðjuframleiddum fjölliðum, sem einu nafni kallast plast. Er meðal annars fullbúinn til hvers kyns matargerðar, þar eð ég fékk tvær gerðir af pönnum og eldhúsvigt til búsins, að ógleymdum margs kyns drykkjarílátum og forláta kaffikvörn sem hefur fengið að vinna vinnuna sína síðustu daga. Iða í skinninu af eftirvæntingu að komast heim á Eggertsgötu og reyna búnaðinn allan.

Það rann upp fyrir mér á dögunum að uppá síðkastið hefur mér liðið einna best þegar ég er reiður. Hef hugsað mér að nýta þetta sálarmeðal sem mest á nýja árinu. Þyrfti eiginlega að komast í að hitta fólk sem mér er illa við sem oftast. Svo Goggi og Benni eru velkomnir til mín hvenær sem er.

Fékk kalkún um jólin, sem var ágætt, þó að ég sé þeirrar skoðunar að þetta hænsn sé bara afsökun fyrir að borða brauðsósu og saltkartöflur. Þeir sem þekkja til þess hvað borið er fram með jólakalkúnanum í Bretlandi vita hvað ég á við. Hamborgarhryggur í kvöld, dýrð sé því höfga dýri sem gefur af sér bæði beikon og hamborgarhryggi. Oh, sure Lisa. The same magical animal!

Ætli ég æli ekki einhverjum tíðindum inná þetta blogg þegar dagur rís í fyrsta sinn á nýju ári. Læt þetta alla vega duga núna.

Dixi

Vei þér tannburstanafngefaraógeð

2005-12-21T13:16:00.000Z

Próflok.

Kalt, en samt svo hlýtt.

Keypti mér nýjan tannbursta í gær, sem er í sjálfu sér ekkert merkilegt. Það sem mér þykir hins vegar athyglisvert, er að einhvers staðar útí heimi sitji maður eða kona sem fékk þá snilldarhugmynd að nefna tegund af tannbursta NAVIGATOR. Hversu brjóstumkennanlegur fáviti þarf maður að vera til að geta komist að þeirri niðurstöðu að tannburstar séu nógu víðförlir til að verðskulda titil sem þennan? Mér býður við þessari hugmynd og hef ákveðið að finna það mannskrípi sem lét sér detta þetta í hug og taka út á honum (eða henni) alla gremju, reiði og hatur sem ég get grafið upp í mínum sollspikaða líkama. Áður en ég segi skilið við þetta málefni ætla ég að leggja eftirfarandi bölvun á téðan aðila:

Vei þeim sem nefnir tannbursta bjánalegu nafni, hann skal ofsóknum sæta! Megi allir fyrirmenn vors samfélags, jafnt geistlegir sem veraldlegir, leggja fæð á slíkt varmenni og kynfæri hans útsteypast í vörtum og áblæstri. Megi táneglur hans snúa vexti sínum til verri vegar og særa fætur hans svo hann fái ekki gengið. Megi tunga hans lamast og hendur hans mátt sinn missa svo að hann fái ekki tjáð fleirum saurugar hugmyndir sínar. Megi hem-hópar blóðkorna hans ummyndast svo þeir fái ekki borið súrefni og iður hans umbyltast svo að koki fylgi þarmur en vélinda bakhlutanum. Böl sé slíkum manni á Jörðu og Tungli og í sólkerfinu öllu.

Ég álít að ég sé nú búinn að bölva þessari ágætu manneskju nóg í bili og býð ykkur að eiga góða daga yfir hátíð hækkandi sólar. Fögnuður ríki á Fróni því senn mun sólin stíga hærra og svífa lengur. Dýrð sé ljósinu, því það örvar teygjur í efnatengjum.

Dixi

Misheyrn úr neðra

2005-12-12T20:02:00.000Z

Robbi átti misheyrn dauðans fyrir skemmstu:

Sigurbjörg:	Árna Tobb þætti þetta nú ekki góð þjónusta.
Robbi:	Ha? Er pabbi þinn að opna kassaverksmiðju?!

Þetta hlýtur að vera einhvers konar met í misheyrn. Ég vil því nota tækifærið óska Robba innilega til hamingju með þetta.

Tók athyglisverða persónuleikakönnun um daginn:

The Completely Pointless Personality Quiz

Kannski ekki verra en hvað annað. Hef annars ákveðið að láta mér vaxa fjaðraham. Gæti orðið erfitt, en orðatiltækið segir að allt sé hægt ef viljinn er fyrir hendi. Hringi svo bara í Brønsonin ef allt klikkar með smurninguna út í stafina... til að halda þessu vatnsheldu á ég við. Grunar að ég hefði ekki átt snúa mér í svona marga hringi áður en ég neytti duftsins. Fer eitthvað illa saman, duft og snúningur. Lítið hægt að gera í því að sinni. Lykilatriði að halda áfram að styða sína menn... nokkurs konar stuðningsmenn. Held ég.

Viðbrenndur að ofan... er það hægt!?

Dixi

Óreiða alheimsendaþarmsins

2005-12-08T11:26:00.000Z

Fimmtudaginn 1. desember tók heimurinn uppá þeim leiðindum að falla saman. Þetta olli mér dálitlum örðugleikum við daglegt líf og störf um nokkurt skeið. Það var svo á dögunum að ég átti langar og happadrjúgar samræður við Rándýrið. Eftir það komst ég að niðurstöðu um nokkur mikilvæg atriði og ákvað í beinu framhaldi að gefa heiminum raflost í endaþarm, sem varð til þess að hann þandist út á nýjan leik. Örlítill ljóður var á þessari aðferð, þar eð af þessu hlutust dálítil brunasár á miður þægilegum stöðum, en það jafnar sig fljótlega.

Annars hefur borið nokkuð á leiðinlegum athugasemdum þess efnis að ég hafi sett mér of háan standard í leitinni að nýrri konu. Þetta er að sjálfsögðu alrangt, og fullkomlega ófyrirgefanlegt að halda fram slíkri firru. Aftur á móti er, eins of fram hefur komið, gert ráð fyrir að það taki nokkurn tíma að finna þessa konu, enda ástæðulaust að ana út í einhverja vitleysu. Það eru víst nógu margir um það. Það má í raun setja þetta í flokk með flestu öðru og afgreiða það undir merkjum míns helsta mottós: Þetta reddast!

Nú er próflesturinn hafinn af fullum krafti og dagarnir fljóta hjá í alsælu varma- og skammtafræðilegra reikninga á eiginleikum efnisheimsins. Á síðustu dögum hefur okkur meðal annars tekist að sýna fram á að: óreiða í lokuðu kerfi breytist í réttu hlutfalli við þær breytingar sem verða á óreiðunni í kerfinu, samhengi entalpíu og óreiðu er órjúfanlega háð samhenginu á milli þessara stærða og sé dauð rotta geymd nógu lengi í jafnþrýstu kerfi verður kerfið ekki bara jafnþrýst heldur líka mjög illa lyktandi. Það þarf ekki að velta þessu lengi fyrir sér til að sjá að hér er um ótrúlegar uppgötvanir að ræða!

Jæja. Ef svo ólíklega vill til að þú sért að lesa þessa málsgrein, hefurðu annað hvort yfirnáttúrulegt úthald til að lesa bloggfærslur, eða þú skimaðir textann, sást að það var ekkert athyglisvert í fyrstu þremur klausunum og ákvaðst því að lesa þá síðustu og vonast eftir að hún væri eitthvað skárri. Þetta voru mistök, því þessi málsgrein er eingöngu hér til að fara enn fremur í taugarnar á þér, lesandi góður, sem hefur nú sóað tíma þínum í að lesa þessa helvítis vitleysu.

Dixi

Lonely day

2005-12-04T00:39:00.000Z

Such a lonely day
and it's mine.
The most loneliest day of my life!
Such a lonely day
should be banned,
It's a day that I can't stand.
The most loneliest day of my life!

Such a lonely day
shouldn't exist,
It's a day that I'll never miss.

Such a lonely day
and it's mine.
The most loneliest day of my life!

And if you go
I wanna go with you,
and if you die
I wanna die with you,
take your hand
and walk away!
The most loneliest day of my life!

Such a lonely day
and it's mine.
It's a day that I'm glad I survived.

Daron Malakian

Dixi

Appelsínukaka og auðmjúk beiðni um aðstoð

2005-11-29T22:02:00.000Z

Allt á hvínandi ferð við skýrslugerð. Við Robbi gerðum okkur lítið fyrir í dag og bökuðum appelsínutertu og buðum stúlkunum í efnafræðinni í kaffi... tvær mættu, ein hafði eitthvað MIKILVÆGARA að gera... þvílík vanvirðing og hneisa. En að mikilvægari málefnum...

Nú er svo komið að ég er búinn að fá alveg nóg af þessum einhleypings aðstæðum öllum og því bið ég ykkur hér með, kæru lesendur, að hafa augun opin fyrir konu sem fellur að eftirfarandi lýsingu í sem flestum atriðum: Falleg, aðlaðandi, hress, gáfuð, skemmtileg, vinstrisinnuð, trúlaus, raunvísindalega þenkjandi, laus við yfirborðskennd, fordómalaus (nema gagnvart þeim sem eiga ekkert gott skilið), gagnkynhneigð/tvíkynhneigð, einhleyp eða í sambandi við mann sem auðvelt er að ryðja úr veginum, tónlistarunnandi, kelin, afslöppuð en lífleg, ást á Danmörku æskileg. Aldur á bilinu 20-42 ára (efri mörkin eru eingöngu höfð þetta ofarlega til að útiloka ekki Monicu Belucci). Má gjarnan vera einstæð móðir ef barnsfaðir er ekki algjör hálfviti. Ég geri ráð fyrir að ég hafi gleymt einhverju úr þessari upptalningu, svo að ég bæti kannski við hana á næstu dögum.

Ég ítreka svo beiðni mína um að þið hafið augun opin og biðla til ykkar að láta mig vita ef þið rekist á slíka manneskju. Þar eð ég geri ráð fyrir að það kunni að taka einhvern tíma að finna þessa ágætu konu, auglýsi ég í millitíðinni eftir stúlku með mjúka húð og mikla snertiþörf sem vantar einhvern til að halda hita á sér á nóttunni.

Með von um skjót viðbrögð.

Dixi

Atburðir helgarinnar og vanskýrð vanlíðan

2005-11-22T14:21:00.000Z

Athyglisverð vísindaferð á föstudaginn... fórum í Ísaga uppi á Breiðhöfða, en þegar mætt var á staðinn kom í ljós að það var engin vísindaferð. Ónefndur aðili, sem átti að sjá um skipulagninguna, hafði klúðrað all verulega og í Ísaga vildi enginn kannast við neina vísindaferð.

Fyrst að svona var komið og við stödd með rútu uppá höfða, var ákveðið að fara í staðinn í hópferð í Heiðrúnu (haha, þrjú í á ótrúlega stuttum tíma), með viðkomu í (haha, eitt enn) Bónus til að kaupa bland og einnig var komið við á Pizza 67. Síðan var haldið í Letigarð þar sem "slegið var upp teiti". Árið mitt kom svo heim til mín, utan Róberts sem var austur á fjörðum að horfa á Discovery og skjóta svartfugl. Þar varð súrrandi metall með Lamb of God og Unearth auk gamalla kunningja í Killswitch Engage við sérstakan fögnuð kvenkyns samnemenda minna. Allt endaði þetta svo á almáttugum Pravda, eins og hefðin beinir. Allt í allt prýðilegasta kvöld þó að það færi ekki alveg eins og ráð var fyrir gert...

Þá held ég að nægjusamlega sé búið að útlista föstudagskvöldið. Á laugardagskvöld hitti ég svo Helgu Möggu og Sollu, og reyndar alla stórfjölskylduna (Mikka, Línu, Audrey, Sigga, Gunnu Dóru og Mikka Mána (reyndar vantaði Svenna)) sem var prýðilegt. Á sunnudaginn fór ég svo austur fyrir fjall, þó að ég kjósi að gefa ekkert upp um hvaða fjall ég fór austur fyrir, í prýðilega afmælisveislu hjá ungum manni sem ég kýs að kalla Broskallinn.

Af öðrum markverðum atburðum síðustu viku mætti nefna þau undur og stórmerki að ég keypti mér tvennar gallabuxur í sömu vikunni. Ef þú ert að lesa þetta eru líkur á að þú vitir að slíkt gerist ekki oft hjá mér...

Tók eftir því um daginn að bloggið mitt birtist kolvitlaust í Internut Exploder. Fremur pirrandi, þó að það komi ekkert á óvart... fokking Örmjúka drasl. Skoða þetta þegar ég hef nennu til.

Hef verið að lesa dálítinn Pratchett undanfarið og sé framá að ég verði að endurvekja íkvótun (íkvótun, no.: sú aðgerð að quote-a í einhvern) í snillinginn þann á blogginu mínu. Plögga þetta í dag eða á morgun... fer eftir verkefnastöðu.

Það er sennilega bara eitt verra en að líða illa útaf einhverju... að líða illa, og vita ekki útaf hverju það er! Ég hata þessa tilfinningu! Að vita ekki hvað það er, en hafa það svo sterkt og nagandi á tilfinningunni að eitthvað sé ekki eins og það á að vera. Ég ætla að fara og skera mig á milli allra fingranna með blaði... þá fæ ég alla vega eitthvað áþreifanlegt til að líða illa útaf. Jæja, þetta er orðið meira en gott í bili...

Dixi

Tilraun

2005-11-15T00:21:00.000Z

Smellti mér á að gera smávægilegar breytingar í útlitsdeildinni í kvöld (eða reyndar í gærkvöldi miðað við hvað klukkan er orðin) með sérlegri aðstoð Hjartar... áhugasamir geta komið höndum yfir nákvæmari upplýsingar HÉR. Ég er kominn á svo gott skrið í cryoscopic determination of molecular weight að ég ætla að geyma það að skrifa meira hér...

Dixi

Jessye, Terry, Ragga og Frasier

2005-11-13T13:47:00.000Z

Ég hef fundið hina fullkomnu samsetningu: Jessye Norman í góðum headphone-um og Terry Pratchett. Þessi samsetning stuðlar að fullkominni innri ró og sannri vellíðan. Sérstaklega er gott að hlusta á Jessye leika sér lögum Schuberts við ýmis þýsk ljóð. Mæli með því að þið prófið þetta. Nokkur atriði sem geta aukið ánægjuna enn fremur eru:

Góður stóll
Góður fótskemill
Hæfilegt hitastig andrúmslofts
Mjúkt teppi
Gott kaffi

Mæli í beinu framhaldi sterklega með því að lesa Going Postal eftir téðan höfund. Hægt að læra margt af þessum manni. Leyfði mér þann munað í gær að kaupa nýja diskinn hennar Ragnheiðar Gröndal, eða Röggu minnar eins og ég kýs að kalla hana. Hún syngur nú andskoti fallega blessunin. Annars sagði Frasier athyglisverðan brandara í Cheers um daginn (sem tengist ekki á nokkurn hátt henni Röggu minni):

Question: How many babies does it take to change a lightbulb?
Answer: None. Babies don't have the motive skills or the depth perception to change a lightbulb!

Sennilega einhver jarðbundnasti "brandari" sem ég hef heyrt. En ég hef víst ekkert skemmtilegt eða áhugavert að segja núna svo ég er bara farinn...

Dixi

Fegurð og uppsölur

2005-11-10T00:09:00.000Z

Það er alveg magnað hvað karlmenn leggja á sig til að ná í fallega konu... Tökum sem dæmi prinsinn í ævintýrinu um Þyrnirós. Eins og flestir vita braust hann í gegnum ægilegan skóg af þyrnum og ógeði til að næla í hundraðogeitthvað ára gamla kellingu bara vegna þess að hann hafði heyrt munnmælasögu þess efnis að hún hefði verið falleg þegar hún sofnaði hundrað árum fyrr.

Til að byrja með hlýtur kallinn að hafa verið léttgeggjaður að trúa svona vitleysu. En það er nú svo sem ekki neitt miðað við hitt: Hann þrammar þarna inn, með súrrandi bóner, og smellir sér á að slumma gelluna þar sem hún hafði legið steinsofandi í hundrað ár.

Skoðum málið aðeins nánar. Þyrnirós var stödd uppí turni þegar hún stakk sig á nál og sofnaði samstundis. Þetta þýðir að hún hafði ekki tíma til að bursta tennur áður en hún sofnaði. Af því að dæma hvernig munnurinn á manni bragðast eftir að hafa sofið eina nótt með óburstaðar tennur get ég ekki ímyndað mér að Þyrnirós hafi bragðast vel. Hún svaf með óburstaðar tennur í HUNDRAÐ ÁR. Það kæmi mér ekki á óvart þó að prinsinn hafi selt upp á staðnum, jafnvel yfir aumingja gömlu konuna, þó að þess sé náttúrulega ekki getið í sögunni.

Dixi

Ræmur og dautt fólk

2005-11-08T19:58:00.000Z

Var að henda drasli úr veskinu mínu um daginn og fann sönnunargögn um níu bíóferðir síðan ég kom suður í haust. Það er nú eiginlega slatti... reyndar ekki einu sinni viss um að það séu allar. En hvað sem öðru líður varð þetta til þess að mér datt í hug að skrifa nokkur orð um hverja þeirra... Ef þið fattið ekki í hvaða röð þeim er raðað munuð þið ekki fá hátt skor í greindarvísutöluprófum.

The League of Gentlemen's Apocalypse:	Ekki jafn skemmtileg og þættirnir en samt vel þess virði að sjá hana.
Charlie and the Chocolate Factory:	Fín. Mjög spes.
Kiss Kiss, Bang Bang:	Fín. Tussu fyndin. Langt síðan ég hef hlegið jafn mikið í bíó.
A History of Violence:	Mjög fín. Skrítin, hrá, gróf, flott. Me like.
Wallace & Gromit:	Lala, hafði á tilfinningunni að hún hafi skemmst töluvert í talsetningu - sá hana nefnilega á íslensku.
Legend of Zorro:	Fín. Katrín er sæt.
The Descent:	Lala, pínu nasty á kafla. Samt vonbrigði eins og flest allar hryllingsmyndir nú orðið. Reyndar, til tilbreytingar, bregðuatriði sem manni brá við.
Flightplan:	Mjög fín. Varð smá spenntur og allt.
Doom:	Lala, endirinn betri en myndin.

Vonandi getur þetta komið að gagni við val á kvikmyndum. Hvort sem þið eruð að leita að kvikmynd til að horfa á eða brenna...

Er það slæmt að dreyma týnt og/eða deyjandi fólk á hverri nóttu?

Og svo er blóð á litlu tánni. Úr mér...?

Dixi

Vitrun Angurgapa

2005-10-31T11:34:00.000Z

Niðurlútur leyfir hann sér að berast með vindinum yfir mörkina. Hví að streitast á móti. Þrátt fyrir að hafa stráfellt hálft þriðja stórhundrað krímeygðra skjalara, hverra ódæði töldu meðal annarra afnám viðbóta sykurs við sultugerð og bann við gerjun heilsuspillandi ávaxta, finnur hann nú sárt til vanmáttar síns.

Þegar heyvinnan tók enda, eftir þurra tíð með vindum og velþóknun sólar, sló niður í huga hans ljósleika ýmissra bresta sem orðið höfðu á hagnýtari hlið hversdagsleikans. Hver myndi nú skerða hár hans og skegg? Var ekki svo komið um flesta hluti, sem áður höfðu virðst hversdagslegir, að nú voru þeir munaður sem bauðst ekki örmum hlanddrykkjumanni? Og hvað skyldi teigun þess gullna mjaðar, sem af hverjum manni rennur um síðir, endast langt við að deyfa sársaukann af slíkri vitrun? Skammt. Of skammt.

En fyrirfinnist afl sem með nokkru móti getur yfirbugað hugarmein sem þetta, leikur enginn vafi á því að það er viljinn til að teygja sig örlítið lengra en áður. Teygja sig allt til enduruppgötvunnar megingilda tilverunnar, gilda sem gætt geta amstri dagsins í dag nýju lífi, og notað fallna og rotna fortíð sem áburð og næringu hinnar nýju vitrunar. Færir ekki hrörnandi blóm næringu vefja sinna aftur til jarðarinnar, þar sem hún getur nýst nýjum og rísandi blómum? Verður ekki hold fallinnar antílópu að lífgjafa hungraðra rándýra? Því skyldi ekki fall sundraðra hugmynda verða jarðvegur nýrra og enn háleitari markmiða?

Á miðri mörkinni snýr kárhöfðaður gumi andlitinu uppí vindinn, sver við Herteit að bugast aldrei í mótbyr, og stikar af stað í nýja átt.

Dixi

Malakoff, lög og óvenju lítið um banana

2005-10-25T02:03:00.000Z

Magnað kvikindi.

Blautligar hvatir, íblásnar lífi af kvinnu, ekki ófegurri en svo, að þótt hefur hæfa að hún stæði póst einhverrar þekktustu konu veraldarsögunnar í hreyfimynd. Jú hér ræðir að sjálfsögðu um ...sprund. Nóg um það.

Dreymdi um daginn að ég hefði klárað malakoffið mitt og hent bréfinu. Vaknaði morguninn eftir og gáði í ískápinn. Bréfið var enn þar, ekki tómt. Magnaður andskoti.

Glöggir lesendur hafa nú hugsanlega komið auga á að ég hef ekkert að segja af neinu raunverulegu innihaldi um þessar mundir... en mér líður samt vel; augnaráð kvinnunnar er dáleiðandi. Þvílíkur þokki.

Mæli með að fólk hlusti á eftirfarandi lög:

When you're smiling með Louis Prima
Just a Gigolo með Louis Prima
Cheek to Cheek með Fred Astaire
Bleeding Mascara með Atreyu
If I didn't care með The Inkspots
Angelina með Louis Prima

Borðar banana með hjálm. Þ.e. "klæðist" hjálmi á meðan hann borðar banana. Spes.

Jæja, kominn svefntími...

Dixi

Blóð og meira um banana

2005-10-19T16:03:00.000Z

Jæja, þá er prófið í eðlisefnafræði 2 búið. Ágætis próf. Mikill léttir að vera búinn. Reyndar annað próf í næstu viku, eðlisefnafræði 1 - skammtafræði. Gæti orðið dálítið tricky.

En í augnablikinu eru skemmtilegri hlutir á dagskrá... uuuuu, tvær skýrslur í lífrænni fyrir morgundaginn, sem er einstaklega skemmtilegt og svo... DADARARAMM í leikhús með Robba og tveim bestu kvenkostum á landinu. Ef þið vitið ekki hvaða stúlkur ég er að tala um eigið þið hvort eð er ekki skilið að lifa, svo ég útskýri það ekki frekar. Hér er að sjálfsögðu um að ræða ferð á sýninguna Forðist okkur sem unnin er uppúr verkum Hugleiks Dagssonar. Þvílík gleði, þvílík tilhlökkun.

Það blæðir úr rassinum á mér...

Augljóst á viðbrögðum við síðustu færslu, þ.e. innihaldi þeirra, ekki magni, að bananar liggja nærri hjarta mannskepnunnar. Þá er ég ekki að meina anatómískt séð, ég veit ekki til þess að mennskt thorax innihaldi neinn banana undir venjulegum kringumstæðum. En engu að síður hvatti þetta mig til að gera nákvæma rannsókn á þessum ágæta ávexti. Eftir að hafa legið yfir þessum athugunum daglangt hef ég komist að eftirfarandi niðurstöðum:

Bananar eru í flestum tilfellum gulir, grænir, brúnir eða einhver línuleg samantekt af þessum litum.
Sé banani á réttu þroskastigi er mjúki parturinn af honum góður til átu.
Þykki, stífi, ysti parturinn af banana er ekki góður til átu á neinu þroskastigi bananans.
Ef bananar væru fólk væru þeir karlmenn.
Ef fólk væri bananar væri það heimskt.
Ég er löngu búinn að skrifa meira en nóg um banana.
Miklar líkur eru á að þegar lesandinn er kominn að þessu atriði sé hann orðinn pirraður á því hvað þetta er löng umfjöllun um ekki neitt.
Ef marka má orð Terry Pratchett skrifaði Nanny Ogg: bananananana. Fræðilega séð kunni hún að skrifa engilsaxneska orðið banana, hún vissi bara ekki hvenær hún ætti að hætta.
Bananar innihalda mikið magn kalíums og 5-hydrotryptamíns. Sem er gott.
Ég er flottur.

Prump... ég er farinn að raka af mér augabrúnirnar og plokka úr mér augnhárin.

Dixi

Gamlir bananar

2005-10-15T00:16:00.000Z

Finn lykt af gömlum bönunum hvert sem ég fer... hlýt að lykta eins og gamall banani. Vona að ég sé frekar eins og svona brúnn og klesstur heldur en trénaður. Fæ klígju af þessum trénuðu.

Anyways... finn til í hnénu, þarf að fá mér nýtt við fyrsta tækifæri.

Gengur ekkert að selja Júpíter. Ekki komið eitt einasta tilboð þrátt fyrir að það hafi verið hægt að skila þeim inn síðan 31. sept. Hefur fólk engan áhuga á að kaupa plánetur lengur?

Teiknaði mynd áðan sem ég kýs að kalla Faðmlag á föstudagskvöldi. Það er hægt að skoða hana örlítið stærri með því að smella á litlu myndina hér að neðan. Ætla að fara að hvíla mig. Mikið að gera þessa helgi.

Dixi

Djöfull...

2005-10-11T18:21:00.000Z

Það er útlit fyrir að ég hafi jinxað mig hressilega með atriði númer fimm í klukkinu mínu... nú á ég enga konu lengur! Það er ömurlegt.

Búinn að átta mig á því að það er alltof risky að láta sér þykja vænt um fólk, þá gefur maður færi á sér - maður er berskjaldaður. Því hef ég ákveðið að einu tilfinningar sem ég ætla að leyfa mér næstu vikur og mánuði séu reiði og hatur. Það verður spölur í að maður hætti sér útí hitt aftur...

Í öðrum fréttum: Ekkert sem fellur ekki í skuggann af hinu...

Skrifa eitthvað jákvæðara á næstunni...

Dixi

Brotið...

2005-10-06T18:42:00.000Z

Braut glas áðan. Brotið glas minnir að mörgu leyti á brotið andlit, því eins og brotna andlitið er brotna glasið brotið. Brotið.

Dixi

Going postal

2005-10-06T17:04:00.000Z

They say that the prospect of being hanged in the morning concentrates a man's mind wonderfully; unfortunately, what the mind inevitably concentrates on is that it is in a body that, in the morning, is going to be hanged.

Terry Pratchett, Going postal, pg. 13

Dixi

Klukk...

2005-10-05T01:00:00.000Z

Ég hef orðið þessari grátlegu bylgju blygðunarlausrar forvitni að bráð - m.ö.o. ég hef verið klukkaður. En í stað þess að þykjast vera of kúl til að taka þátt í þessu, hef ég ákveðið að vinna þetta eftir bestu getu... málefnum er ekki raðað eftir mikilvægi.

Ég er haldinn fjöldafælni á háu stigi. Að vera innan um marga er mér hrein sálarkvöl, sérstaklega ef um er að ræða marga sem ég þekki ekki. Áfengi getur bælt óþægindin tímabundið...
Heimskt fólk fer oftar en ekki í taugarnar á mér.
Mér er lífsins ómögulegt að gera nokkurn hlut á réttum tíma, hversu mikið sem ég ætla mér að taka mig á. Allt er gert á allra síðustu stundu...
Fátt fer jafn mikið í taugarnar á mér og yfirborðskennd, ef fólk getur ekki verið það sjálft er það sjaldnast þess virði að kynnast því.
Ég sakna Hildigunnar ótæpilega flesta daga, sem getur valdið skapvonsku umfram það sem góðu hófi gegnir þó ég reyni að hemja mig eftir fremsta megni. Svo ef ég kem fram við þig, lesandi góður, eins og ég sé fúll útí þig, er það að öllum líkindum útaf téðum söknuði... eða vegna þess að ég hata þig.

Að svo búnu tel ég mig hafa lokið skyldum mínum við "klukk"menninguna og kýs því að klukka engann. Alla vega ekki í bili. En ef einhver verður leiðinlegur við mig á næstunni er aldrei að vita hvað gerist...

Af öðrum fréttum má helst nefna prýðilega skemmtun í teiti á vegum nema í Vélskólanum (sem heitir víst Fjöltækniskóli Íslands núna). Þetta var nógu athyglisverð skemmtun til að komast á baksíðu DV. Ég óska þeim sem fyrir þessu stóðu til hamingju með það.

Og hvaða helvítis tískufyrirbrigði er það að búa til sjónvarpsauglýsingar sem eru gular og blikkandi? Mann verkjar í heilann af þessu djöfulsins kjaftæði!

Fjárfesti í bókinni forðist okkur í dag og sé ekki eftir því. Það er ekki eðlilegur andskoti hvað þetta mannhelvíti getur verið djöfulli fyndið. Mmmmmm, blótsyrði.

Og einhver bozo á SIRKUS þýddi rétt í þessu "organic chemistry" sem lífefnafræði. Hvers konar HÁLFVITI gerir það?!?! HAHAHAHAHAHHA!

Þegiðu sjálfur!

Dixi

Kennitölusamsærið

2005-09-28T16:45:00.000Z

Sá klippu með amerísk-arabíska uppistandaranum Ahmed Ahmed. Hann sagðist vera að reyna koma af stað eigin sjónvarpsþætti; Middle Eastern Eye for the Mid-Western Guy. Lýsingin hans á þættinum var: "Five arabs burst into a white guys house and teach him how to hate women and make bombs ...but I can't do that show, cause Mid-Western Guys already know how to do that!" Tær snilld! Ef einhver hefur áhuga er hægt að finna þennan gaur hér: Official Site of Ahmed Ahmed.

Annars hef ég komist að því að þessi sakleysislegu fyrirbæri sem við köllum kennitölur eru í raun allt annað og miklu meira en bara auðkenningarnúmer til hagræðis í samfélagi nútímans. Alkunna er að kennitalan íslenska samanstendur af tíu tölustöfum. Fyrstu sex innihalda upplýsingar um fæðingardag og ár, seinni fjórar hef ég nú ákveðið að kalla kornastuðul. Milli þessara tveggja setta af tölum er gjarnan sett tákn sem fólk, í fásinnu, hefur gert ráð fyrir að sé bandstrik. Þetta er misskilningur. Tánkið er mínus.

Reiknum nú dæmið... Kennitalan mín er 300384-3319 = 297065. Ég inniheld skv. því 297.065 kennikorn, sem er nú töluvert þó ég segi sjálfur frá. Praktískt séð veit ég ekki alveg hvað þetta þýðir, þ.e. ég veit ekki nákvæmlega hvað kennikornafjöldi fólks segir okkur um fólkið. En ég vinn nótt og dag við að komast til botns í þessu máli og deili því með ykkur um leið og það tekst.

Ég bara get ekki hætt...

2005-09-23T11:11:00.000Z

Hvernig sem jeg reyni er mjer fullkomlega ómögulegt að hætta að búa til ný útlit á bloggið. Sauð eitt saman handa Gesti, sem varð að sjálfsögðu til að það vaknaði aftur hjá mjer löngun til að gera nýtt á mitt. En svona er þetta bara og fólk verður að læra að lifa með því.

Jæja...

Fyrsta vísindaferð vetrarins yfirstaðin og heppnaðist með ágætum. Reyndar mættum við aðeins of seint á staðinn, Hitaveita Suðurnesja, og heyrðum síðan ekkert hvað "fyrirlesarinn" sagði og hápunkturinn á fyrirlestrinum var þegar ég fór á klósettið. En eftir þennan ágæta fyrirlestur var haldið til Grindavíkur á veitingastaðinn Mamma Mia í pizzur og bjór og killer í dart og datt og meiddi sig en gerði ekkert til að ráði ...sem var gaman. En hver var það?

Hildigunnur komin heim frá Tyrklandi, tiltölulega lítið sködduð ...sem er gott. Á reyndar eftir að taka hana út, hef ekki hitt hana ennþá þar sem það var flogið beint til Akureyrar frá el Turkei. En hún hljómaði óbreytt í símann, svo ég er bjartsýnn.

Jæja... orðið sem þýðir ekkert.

Mæli sterklega með að glugga á þessa heimasíðu: Way of the Master. Það leikur enginn vafi á því að maður verður betri manneskja eftir en áður.

Ég er líka búinn að sjá að fólk hefur tapað miklu af þeim hæfileikum sem það hafði í gamla daga til að takast á við erfiðleika og leysa vandamál, samanber þessa fallegu lýsingu úr gamalli og vinsællri bók:

Þá svaraði levítinn, maður konunnar, er myrt hafði verið, og sagði: „Ég kom til Gíbeu, sem heyrir Benjamín, ásamt hjákonu minni og ætlaði að vera þar nætursakir. Þá risu Gíbeubúar upp á móti mér og umkringdu húsið um nóttina og létu ófriðlega. Mig hugðust þeir drepa og hjákonu minni nauðguðu þeir svo, að hún beið bana af. Þá tók ég hjákonu mína og hlutaði hana sundur og sendi hana út um allt arfleifðarland Ísraels, því að þeir höfðu framið níðingsverk og óhæfu í Ísrael.

(Dm:20:4-6)

Það er ólíklegt að það muni nokkurn tíman fæðast annar maður jafn fær um að takast á við erfiðar aðstæður og þessi...

Nóg í bili... fer að verða duglegri núna!

Dixi

...

2005-09-20T01:55:00.000Z

Screw you guys! I'm going home!

Dixi

Ó borg mín borg...

2005-09-01T22:44:00.000Z

Þá er maður snúinn aftur til borgar dauðans... og svei mér þá ef það er ekki bara ljómandi gott. Í það minnsta tók íbúðin mín vel á móti mér og hér líður mér vel. Eini augljósi gallinn er fjarlægðin sem aftur myndast milli mín og konunnar minnar. En maður reynir bara að halda sér uppteknum við hitt og þetta til að finna ekki of mikið fyrir því.

Nú eru allir í heiminum fluttir á garðana; Holtsgötu gengið eins og það leggur sig, Sveinbi kominn í 24 eins og annað gott fólk og það er einfaldlega ekki þverfótandi fyrir MA-stúdentum hvar sem maður kemur á þessum andskotans stúdentagörðum. Ekki að það sé eitthvað slæmt... það er bara hrein helvítis viðurstyggð. Eða eitthvað.

Ég hef nú formlega gefist uppá því að reyna að láta þær vefsíður sem ég bý til koma rétt út í Internet Explorer í PC þar sem að það er leiðinlegt og ákaflega vanþakklátt starf. Þess í stað vil ég benda öllum sem nota Internut Exploder að hætta því og fá sér almennilegan vafra. And while you're at it, þá gætuð þið kannski bara fengið ykkur almennilega tölvu líka!! HA!!! KANNSKI ÞAÐ BARA HELVÍTIS ÓGEÐIN YKKAR!!! AAAAAHAHAHHAHAHAHHAH!!!!

Ég er þreyttur. Komst að því að augnanuddið er sennilega orðið í og með til að fá skammirnar vegna þess að maður er orðinn svo vanur þeim að maður getur ekki án þeirra verið því svo má illu venjast og kannski má segja að vissu leyti að maður sé orðinn sambandsvæddur hvað þetta varðar svona eins og fangar verða stofnanavæddir og þora ekki út fyrir fangelsismúrana þegar þeir eru búnir að sitja mjög lengi inni. Ekki það að þið skiljið neitt um hvað ég er að tala. En það er hvort eð er aukaatriði. Ég meina, ekki lét Terry Gilliam það aftra sér við að animera ýmsa misskiljanlega hluti að það skildi enginn hvern andskotann hann var að gera. Ekki það að ég sé að gera því skóna að ég sé eitthvað líkur Terry Gilliam. Ég á ekki einu sinni Tinna-peysu hvað þá meira. Og ekki hef ég skrifað kvikmyndahandrit um mann sem er ógeðslega dópaður og er leikinn af sama manni og lék annan mann sem var glæpamaður í annarri mynd um allt annað miklu seinna (þó að myndin gerist miklu miklu fyrr) en hugmynd mannsins sem lék glæpamanninn að því hvernig glæpamaðurinn ætti að hegða sér og koma fyrir var komin frá manni sem var í hljómsveit með öðrum manni sem flutti einu sinni lag sem heitir Dancing in the Street með öðrum mannni sem heitir David Bowie. Þið þekkið öll manninn sem ég er að tala um er það ekki? Jú, það hlýtur bara að vera.

Annars er kellingin mín á Tyrklandi núna. Ég er hræddur. Tyrkland er ábyggilega eitt af þessum löndum sem geta talist vera lönd sem eru frekar hættuleg lönd í samanburði við önnur lönd með aðra landfræðilega legu sem gerir það af verkum að þau eru staðsett annars staðar en landið sem upprunalega var fjallað um og eru kannski ekki jafn hættuleg og það land í einhverjum skilningi sem erfitt er að skilgreina nákvæmlega. Ég held að ég sé búinn að horfa á of mikinn Family Guy í dag.

Ég er kominn heim. Það er gott. Nú er ég með nothæfa nettengingu aftur. Nú mun ég blogga oftar. Of-tar. Oft-ar.

Dixi

Smoooooooth!!!!

2005-08-13T23:18:00.000Z

Er að blogga í Vegagerðinni!!! Núna!!! Klukkan þetta!!! Á laugardagskvöldi!!! Smoooooooooth!!!!!

Útskýrist síðar

Dixi

Grænmetislasagne... með kaviar

2005-08-07T09:44:00.000Z

Hef áhyggjur af því hvað ég er orðinn aggresívur. Held náttúrulega aftur af því í framkvæmd, en það kraumar innan í mér. Held ég þurfi að fara að komast heim... suður heim... í íbúðina mína heim... þar sem ég ræð heim... HEIM.

Kom heim ("heim") frá Akureyri. Engin Hildigunnur, frekar en undanfarið. Skreið uppí rúm. Herbergið fullt af flugum. Hvað hafa flugur gert fyrir mig? Húsflugur? Til hvers...? SSSSsssssssssssSSSSSSSS. SSSSssssssSSSS. Eins og það sé einhver tilgangur með þessu helvítis suði. Ég hata húsflugur. Ef helvíti væri til væri það fullt af húsflugum. Ef húsvíti væri til væri það fullt af helflugum. Ef hús væri til væri það fullt af helvítisflugum. Ef flugvíti væri til væri það fullt af helhúsum. Ef flughús væri til væri það fullt af helvítum. Ég hata húsflugur.

Drap níu stykki á milli fingranna. Leið pínu betur á eftir. Skreið aftur uppí rúm... ekkert suð ...ekkert suð ...ekkert suð ...SSSSsssssssssssSSSSSSSS. Ég hata húsflugur. Plús tveir eru ellefu. Skyldi þetta flokkast sem þjóðarmorð?

Ég er pirraður. Hassetarta.jpg 310x219 pixels. Mótorhjólakaka. Og hver er þessi Halldór Laxnessson?? Eitthvað Nóbel eitthvað?

Öll vandamál heimsins má rekja til einnar og sömu rótar. Fólk er of heimskt. Mér leiðist heimskt fólk. Ég finn að umburðarlyndi mitt við að umgangast heimskt fólk minnkar hratt. Og meðan ég man: Góð hugmynd að gera þekktan ofbeldismann og nauðgara að klámmyndaleikara. Maður sem ætti frekar að vera í búri en á meðal fólks enda líkari górillu en manni, bæði líkamlega og vitsmunalega. Fokking hálfviti. Og Árni Johnsen er fífl. Það mætti setja hann í búrið með górillunni með hamarinn svo hún gæti svalað fýsnum sínum á honum.

Er að hugsa um að selja Júpíter. Nota hann aldrei lengur. Áhugasamir geta skilað inn tilboðum á Tunglinu frá og með 31. september 2005.

Flugurnar orðnar tólf. Ég held ég sé farinn að trúa á sjálfkviknun lífs. Búinn að valda slokknun lífs tólf sinnum í kvöld. Líður skár. Hata samt húsflugur.

Gerard Boots átti sér ekkert líf. Þekki hann ekkert. Veit samt að hann getur ekki hafa átt sér neitt líf. Ég meina, hversu langt leiddur er maður þegar maður er farinn að skrifa fransk-íslenskar orðabækur. Þá vil ég nú heldur róla mér eða vega salt.

Ha ha! Famous by association. Það er ég. Svilkona mín er í DV uppá hvern dag svo að ég einfaldlega hlýt að geta titlað mig þetta. Go Eva!

Hef annars átt í vandræðum með orðið "smooth". Fékk það fremur leiðinlega mikið á heilann og virðist ófær um að segja nokkuð annað... sem getur farið að fara í taugarnar á fólki með tímanum af einhverjum sökum. Skil ekki af hverju.

Liðnir einir átta tímar síðan ég byrjaði á þessari bloggfærslu. Svaf að vísu meirihlutann af þeim. Samt smooth. Ég er svangur. Mig langar í sykur... kannski súkkulaði. Já. Morgunkorn og síðan kaffi og súkkulaði. Mmmmm sunnudagur.

Ég hata húsflugur.

Dixi

Fuglsdráp af gáleysi...

2005-07-28T17:53:00.000Z

Jæja, þá er maður fluttur á nýjan stað. Helsta ástæða þess er sennilega óþrjótandi þorsti minn í breytingar. Svo er reyndar líka hægt að stjórna miklu meira útlitinu á þessu bloggi, þ.e. alveg, sem er gott.

Annars varð ég fyrir þeirri miður skemmtilegu lífsreynslu að verða hrossagauksunga að bana við brú yfir Blöndu í gær. Var í mesta sakleysi að koma keyrandi eftir Svínvetningabrautinni, Kjalvegar megin frá, kem útúr beygjunni að endanum á brúnni og þar eru þrír fremur grannvitrir hrossagauksungar á leiðinni yfir veginn. Ég nauðhemlaði og beygði eins og breidd þessarar einbreiðu brúar leyfði, en það dugði ekki til.

Tveir ungar hlupu eins og fætur þeirra drógu útaf veginum, einn þeirra var kyrr... mun flatari eftir en áður. Ég gekk, niðurbrotinn maður, að líki hins látna og sá hvar hann lá, (þó það sé kannski varla hægt að segja að eitthvað jafn dautt og kramið og hann var, liggi) með innyflin dreifð útum allt eins og spaghetti bolognese. Ég brast í grát... Ég fæ ennþá martraðir... þó að það sé liðin heil nótt síðan þetta gerðist. Reyni að blogga aftur þegar ég er búinn að jafna mig.

Dixi

Fuck off

Á hraðri leið til helvítis

Orsök fyrri heimstyrjaldarinnar

EOS

Mun acetonið bjarga heiminum?

Hendni skósmiða

Surprise surprise

You fit in with:Atheism

Þar til "á morgun"

Fegurð Femin

Nokkur orð um Peter Gerritsen

Vangaveltur um lífið í upphafi nýs árs

Fari þetta helvítis ár til andskotans

Vei þér tannburstanafngefaraógeð

Misheyrn úr neðra

Óreiða alheimsendaþarmsins

Lonely day

Appelsínukaka og auðmjúk beiðni um aðstoð

Atburðir helgarinnar og vanskýrð vanlíðan

Tilraun

Jessye, Terry, Ragga og Frasier

Fegurð og uppsölur

Ræmur og dautt fólk

Vitrun Angurgapa

Malakoff, lög og óvenju lítið um banana

Blóð og meira um banana

Gamlir bananar

Djöfull...

Brotið...

Going postal

Klukk...

Kennitölusamsærið

Ég bara get ekki hætt...

...

Ó borg mín borg...

Smoooooooth!!!!

Grænmetislasagne... með kaviar

Fuglsdráp af gáleysi...

You fit in with:
Atheism